ਲੁਧਿਆਣਾਃ 3ਨਵੰਬਰ ਲੋਕ ਮੰਚ ਪੰਜਾਬ ਵੱਲੋਂ ਪੰਜਾਬੀ ਸਾਹਿੱਤ ਅਕਾਡਮੀ ਲੁਧਿਆਣਾ ਦੇ ਸਹਿਯੋਗ ਨਾਲ ਕੈਨੇਡਾ ਵੱਸਦੀ ਪੰਜਾਬੀ ਕਵਿੱਤਰੀ ਸੁਰਿੰਦਰ ਗੀਤ ਦੀ ਪੁਸਤਕ “ਮੇਰੀ ਚੋਣਵੀਂ ਕਵਿਤਾ” ਨੂੰ ਡਾਃ ਸੁਰਜੀਤ ਪਾਤਰ ਚੇਅਰਮੈਨ ਪੰਜਾਬ ਆਰਟਸਕੌਂਸਲ, ਪ੍ਰੋਃ  ਗੁਰਭਜਨ ਸਿੰਘ ਗਿੱਲ, ਚੇਅਰਮੈਨ, ਪੰਜਾਬੀ ਲੋਕ ਵਿਰਾਸਤ ਅਕਾਡਮੀ, ਲੋਕ ਮੰਚ ਪੰਜਾਬ ਦੇ ਪ੍ਰਧਾਨ ਸੁਰਿੰਦਰ ਸਿੰਘ ਸੁੱਨੜ,ਪੰਜਾਬੀ ਸਾਹਿੱਤ ਅਕਾਡਮੀ ਲੁਧਿਆਣਾ ਦੇ ਪ੍ਰਧਾਨ ਡਾਃ ਲਖਵਿੰਦਰ ਸਿੰਘ ਜੌਹਲ ਤੇ  ਜਨਰਲ ਸਾਹਿੱਤ ਅਕਾਡਮੀ ਲੁਧਿਆਣਾ ਦੇ ਜਨਰਲ ਸਕੱਤਰ ਡਾਃ ਗੁਰਇਕਬਾਲ ਸਿੰਘ ਵੱਲੋਂ ਪੰਜਾਬੀ ਭਵਨ ਲੁਧਿਆਣਾ ਵਿਖੇ ਲੋਕ ਅਰਪਣ ਕੀਤਾ ਗਿਆ। ਸੁਆਗਤੀ ਸ਼ਬਦ ਬੋਲਦਿਆਂ ਡਾਃ ਲਖਵਿੰਦਰ ਸਿੰਘ ਜੌਹਲ ਨੇ ਕਿਹਾ ਕਿ ਕੈਲਗਰੀ (ਕੈਨੇਡਾ) ਵੱਸਦੀ ਕਵਿੱਤਰੀ ਸੁਰਿੰਦਰ ਗੀਤ ਦੀ ਤੁਰੀ ਸਾਂ ਮੈਂ ਉੱਥੇ,ਸੁਣ ਨੀ ਜਿੰਦੇ, ਚੰਦ ਸਿਤਾਰੇ ਮੇਰੇ ਵੀ ਨੇ, ਮੋਹ ਦੀਆਂ ਛੱਲਾਂ, ਕਾਨੇ ਦੀਆਂ ਕਲਮਾਂ, ਰੁੱਖ ਤੇ ਪੰਛੀ, ਸ਼ਬਦ ਸੁਨੱਖੇ, ਗੁਸਤਾਖ਼ ਹਵਾ, ਖੇਤਾਂ ਦਾ ਸਫ਼ਰ,ਵਾਲਰੋਲਿਆਂ ਦੇ  ਅੰਗ ਸੰਗ ਤੇ ਦਿਲ ਦੀ ਮਮਟੀ ਤੋਂ ਬਾਦਹੁਣ ਬਲਬੀਰ ਮਾਧੋਪੁਰੀ ਦੀ ਸੰਪਾਦਨਾ ਹੇਠ ਨਵਯੁਗ ਪਬਲਿ਼ਸ਼ਰਜ਼ ਵੱਲੋਂ  “ਮੇਰੀ ਚੋਣਵੀਂ ਕਵਿਤਾ “ਪ੍ਰਕਾਸ਼ਿਤ ਹੋਈਹੈ। ਇਹ ਸ਼ੁਭ ਕਾਰਜ ਹੈ।  ਪੰਜਾਬੀ ਸਾਹਿੱਤ ਅਕਾਡਮੀ ਦੇ ਜਨਰਲ ਸਕੱਤਰ ਡਾਃ ਗੁਰਇਕਬਾਲ ਸਿੰਘ ਨੇ ਪੁਸਤਕ ਬਾਰੇ ਵਿਚਾਰ ਪੇਸ਼  ਕਰਦਿਆਂ ਕਿਹਾ ਕਿ ਇਹ ਪੁਸਤਕ ਅਨੀਤੀਆਂ ਤੇ ਜਬਰ ਦੇ ਖਿਲਾਫ਼ ਖੌਲਦੇ ਖੂਨ ਵਾਂਗ ਹਥਿਆਰ ਬਣਦੀ ਪ੍ਰਤੀਤ ਹੁੰਦੀ ਹੈ। ਪ੍ਰੇਰਕ ਕਵਿਤਾ ਦੇ ਇਸ ਸੰਗ੍ਰਹਿ ਵਿੱਚ ਸਵੈ ਤੋਂ ਸਮਸ਼ਟੀ ਤੀਕ ਦੀ ਯਾਤਰਾ ਹੈ।  ਸਮਾਗਮ ਦੇ ਮੁੱਖ ਮਹਿਮਾਨ ਪ੍ਰੋਃ ਗੁਰਭਜਨ ਸਿੰਘ ਗਿੱਲ ਨੇ ਕਿਹਾ ਕਿ ਸੁਰਿੰਦਰ ਗੀਤ ਦੀ ਸ਼ਾਇਰੀ ਚੁੱਪ ਧੀ ਦੀ ਬੋਲਦੀ ਕਵਿਤਾ ਹੈ। ਉਹ ਲਛਮਣ ਰੇਖਾ ਉਲੰਘ ਕੇ ਪਾਰ ਜਾਂਦੀ ਸ਼ਾਇਰਾ ਹੈ। ਕਿਸਾਨ ਸੰਘਰਸ਼ ਬਾਰੇ ਉਸ ਦੀ ਆਂਕਵਿਤਾਵਾਂ ਦਾ ਸੰਗ੍ਰਹਿ “ਖੇਤਾਂ ਦਾ ਸਫ਼ਰ” ਵਕਤ ਦਾ ਜੀਵੰਤ ਦਸਤਾਵੇਜ਼ ਬਣਨ ਦੇ ਸਮਰੱਥ ਹੈ।  ਇਸ ਮੌਕੇ ਪ੍ਰਧਾਨਗੀ ਭਾਸ਼ਨ ਦਿੰਦਿਆਂ ਡਾਃ ਸੁਰਜੀਤ ਪਾਤਰ ਨੇ ਕਿਹਾ ਕਿ ਸੁਰਿੰਦਰ ਗੀਤ ਦੀ ਪੂਰੇ ਪੰਜਾਬੀ  ਸਾਹਿੱਤਜਗਤ ਨਾਲ ਮਾਸੂਮੀਅਤ ਭਰੀ ਸਾਂਝ ਬਣਾਈ ਹੈ। ਉਨ੍ਹਾਂ ਕਿਹਾ ਕਿ ਮੇਰੀ ਨਾਦੀ ਭੈਣ ਸੁਰਿੰਦਰ ਗੀਤ ਦੀ  ਇਹ ਪੁਸਤਕਪੰਜਾਬੀ ਕਵਿਤਾ ਵਿੱਚ ਮਹਿਕ ਵਾਂਗ ਸ਼ਾਮਿਲ ਹੋਵੇਗੀ। ਉਸ ਦੀ ਪਹਿਲੀ ਕਿਤਾਬ ਤੋਂ ਲੈ ਕੇ ਇਸ ਪੁਸਤਕ ਤੀਕ ਪੜ੍ਹਦਿਆਂ ਕਹਿ ਸਕਦਾ ਹਾਂ ਕਿ ਇਹ ਉਸ ਦੀ ਕਸ਼ੀਦ ਕੀਤੀ ਆਤਮ ਕਥਾ ਹੈ। ਇਸ ਵਿੱਚ ਉਸ ਦੇ ਸਵੈ, ਧਰਤੀ ਤੇ ਮੁਆਸ਼ਰੇ ਬਾਰੇ ਵਿਚਾਰ ਪਿਘਲ ਕੇ ਕਵਿਤਾ ਬਣੇ ਹਨ। ਸ਼ਿੱਦਤ, ਸ਼ਊਰ, ਸ਼ਿਲਪ ਤੇ ਸ਼ਬਦ ਸੰਵੇਦਨਾ ਦਾ ਸੁਮੇਲ ਹੈ ਸੁਰਿੰਦਰ ਗੀਤ ਦੀ ਕਵਿਤਾ।  ਸਮਾਗਮ ਦੇ ਆਰੰਭ ਵਿੱਚ ਸੁਰਿੰਦਰ ਗੀਤ ਨੇ ਆਪਣੀ ਪਸੰਦ ਦੀਆਂ ਪੰਜ ਕਵਿਤਾਵਾਂ ਸੁਣਾਈਆਂ। ਉੱਘੇ ਕਵੀ ਤ੍ਰੈਲੋਚਨ ਲੋਚੀ ਨੇ ਸੁਰਿੰਦਰ ਗੀਤ ਦੀ ਇੱਕ ਰਚਨਾ ਤਰੰਨੁਮ ਵਿੱਚ ਸੁਣਾਈ।  ਲੋਕ ਮੰਚ ਦੇ ਪ੍ਰਧਾਨ ਸੁਰਿੰਦਰ ਸਿੰਘ ਸੁੰਨੜ ਨੇ ਆਏ ਲੇਖਕ ਦੋਸਤਾਂ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ਲੋਕ ਮੰਚ ਪੰਜਾਬ ਪੂਰੇ ਪੰਜਾਬ ਵਿੱਚ ਸਾਹਿੱਤਕ ਸਰਗਰਮੀਂਆਂ ਨੂੰ ਤੇਜ਼ ਗਤੀ ਪ੍ਰਦਾਨ ਕਰਨ ਲਈ ਯਤਨਸ਼ੀਲ ਰਹੇਗਾ।  ਇਸ ਮੌਕੇ ਸੁਰਿੰਦਰ ਗੀਤ ਨੇ ਪੰਜਾਬੀ ਸਾਹਿੱਤ ਅਕਾਡਮੀ ਲੁਧਿਆਣਾ ਲਈ ਪੰਜਾਹਵਹਜ਼ਾਰ ਰੁਪਏ ਦੀ ਸਹਾਇਤਾਰਾਸ਼ੀ ਅਕਾਡਮੀ  ਪ੍ਰਧਾਨ ਡਾਃ ਲਖਵਿੰਦਰ ਜੌਹਲ ਤੇ ਬਾਕੀ ਅਹੁਦੇਦਾਰਾਂ ਨੂੰ ਸੌਂਪੀ।  ਇਸ ਸਮਾਗਮ ਵਿੱਚ ਸ਼੍ਰੀਮਤੀ ਭੁਪਿੰਦਰ ਪਾਤਰ, ਗੁਰਚਰਨ ਕੌਰ ਕੋਚਰ,ਮਨਦੀਪ ਕੌਰ ਭੰਮਰਾ, ਡਾਃ ਬੀਰਿੰਦਰ ਕੌਰ,ਡਾਃ ਹਰਜਿੰਦਰ ਸਿੰਘ ਅਟਵਾਲ, ਸੁਰਿੰਦਰਦੀਪ ਕੌਰ,ਮਨਜਿੰਦਰ ਗੋਲ੍ਹੀ ਫ਼ਰੀਦਕੋਟ, ਕਮਲਜੀਤ ਨੀਲੋਂ,ਸੁਰਜੀਤਭਗਤ, ਅਮਰਜੀਤ ਸ਼ੇਰਪੁਰੀ,ਡਾਃ ਗੁਲਜ਼ਾਰ ਸਿੰਘ ਪੰਧੇਰ, ਚਰਨਜੀਤ ਸਿੰਘ ਯੂ ਐੱਸ ਏ, ਪ੍ਰਸਿੱਧ ਗਾਇਕ ਡਾਃਸੁਖਨੈਨ ਸਿੰਘ ਜਲੰਧਰ,  ਸਰਬਜੀਤ ਵਿਰਦੀ, ਰਵਦੀਪ ਸਿੰਘ, ਮਲਕੀਤ ਸਿੰਘ ਮਾਲੜਾ ਨੇ ਭਾਗ ਲਿਆ। (ਪ੍ਰੋਃ ਗੁਰਭਜਨ ਸਿੰਘ ਗਿੱਲ) 

ਕੈਲਗਰੀ (ਹਰਚਰਨ ਸਿੰਘ ਪ੍ਰਹਾਰ): ਪ੍ਰੌਗਰੈਸਿਵ ਕਲਚਰਲ ਐਸੋਸੀਏਸ਼ਨ ਕੈਲਗਰੀ ਅਤੇ ਸਿੱਖ ਵਿਰਸਾ ਇੰਟਰਨੈਸ਼ਨਲ ਵਲੋਂ ਇੰਡੀਅਨ ਐਕਸ ਸਰਵਿਸਮੈਨ ਇਮੀਗਰੈਂਟ ਅੇਸੋਸੀਏਸ਼ਨ ਦੇ ਹਾਲ ਅੰਦਰ ਸਰੋਤਿਆਂ ਭਰਵੇਂ ਇੱਕਠ ਵਿੱਚ ਕਰਵਾਏ ਗਏ ਇੱਕ ਵਿਸ਼ੇਸ਼ ਸੈਮੀਨਾਰ ਵਿੱਚ ਬੋਲਦਿਆਂ ਯੂ ਐਨ ਆਈ ਦੇ ਸਾਬਕਾ ਸੀਨੀਅਰ ਪੱਤਰਕਾਰ, ਲੇਖਕ ਤੇ ਸਿੱਖ ਵਿਦਵਾਨ ਸ. ਜਸਪਾਲ ਸਿੰਘ ਸਿੱਧੂ ਨੇ ਕਿਹਾ ਕਿ ਸਿੱਖ, ਨਾ ਸਿਰਫ ਰਾਜਨੀਤਕ ਧਿਰ […]

ਮੰਗਲ ਚੱਠਾ  :- ਪੰਜਾਬੀ ਲਿਖਾਰੀ ਸਭਾ ਦੀ ਜੁਲਾਈ ਮਹੀਨੇ ਦੀ ਮੀਟਿੰਗ ਵਿੱਚ ਪ੍ਰਧਾਨਗੀ ਮੰਡਲ ਵਿੱਚ ਪ੍ਰਧਾਨ ਬਲਬੀਰ ਗੋਰਾ ,ਜਗਦੀਸ਼ ਸਿੰਘ ਚੋਹਕਾ ਅਤੇ ਇੰਗਲੈਂਡ ਤੋਂ ਆਏ ਲੇਖਕ ਮਹਿੰਦਰਪਾਲ ਧਾਲੀਵਾਲ ਨੂੰ ਸੱਦਾ ਦਿੰਦਿਆਂ ਜਨਰਲ ਸਕੱਤਰ ਮੰਗਲ ਚੱਠਾ ਨੇ ਹਾਜ਼ਰੀਨ ਨੂੰ ਜੀ ਆਇਆ ਆਖਿਆ  ਉਸ ਤੋਂ ਬਾਅਦ ਪ੍ਰਸਿੱਧ ਲੇਖਕ ,ਅਨੁਵਾਦਕ ਤੇ ਸੰਪਾਦਕ ਹਰਭਜਨ  ਹੁੰਦਲ  ਦੇ ਸਦੀਵੀ ਵਿਛੋੜੇ ਤੇ […]